முயற்சி

இயலாமை என்ற ஒன்று

எம்வாழ்வில் ஓங்கியுண்டு

இவற்றிற்கு மருந்தாகும்

முயற்சி என்னும் மூலிகைதான்

பலபேரின் வெற்றிக்கு

அடிப்படையே முயற்சி தான்

உலகெங்கும் ஓங்கி நிற்கும்

உயிர் மூச்சு முயற்சி தான்

இயலாமை என்ற சொல்லை

போர் செய்து வீழ்த்திடவே

முயற்சி என்னும் ஆயுதத்தை

எடுத்திடுவோம் நாமெல்லாம்

இளவேனில்

எழிலான காலை
இதமான வேளை
மணமான சோலை
மயக்கத்தின் வேளை
தென்றல்வந்து பாடும்
தேன்குரலும் கேட்கும்
வண்டுஇசை பாடும்
வண்ணமலர் பாரும்
பனிசுமந்த புற்கள்
பகலவனை பார்க்கும்
கனிசுவைக்க வென்று
பறவையினம் கூடும்
மலையில் இருந்து பாயும்
அருவிகதை கூறும்
கலகலக்கும் நீரில்
மீனெழுந்து வீழும்
இயற்கைஅன்னைதந்த
எழில்நிறைந்தசெல்வம்
இவை இன்ப
வெள்ளத்தின் சின்னம்

அன்னை

பத்து மாதம் சுமந்து என்னை

பெற்றெடுத்த அன்னை

முத்தமிட்டு கன்னமதை

ஈரமாக்கும் அன்னை

பாரினிலே உயர்வதற்கு

பாசம் கொடுத்த அன்னை

முக்கனிகள் போல எம்மை

வளர்த்து விட்ட அன்னை

கல்வியிலே அறிவூட்டி

பாவலராய் மாற்ற

பாடுபட்டு பாரினிலே

உழைத்த எங்கள் அன்னை

ஆசையோடு அறிவு சேரும்

அவலமான பூமியில்

ஆதரவு தரவெனவே

வந்து விட்டாள் அன்னை

போர்

போர் என்ற அரக்கன்

புயல் போல வந்தான்

நேரின்றி மாறாக

உயிர் காவு கொண்டான்

பாரெங்கும் குருதியாய்

பரவிட்டு போனான்

பாதளச் சிறையிலே

விழுத்திட்டு போனான்

மானிடர் வாழ்வே

மயக்கமாய் ஆச்சு

யனனிக்க உயிர்கள்

பயப்பிடல் ஆச்சு

பாதையில் குருதி

பரவியே போச்சு

மரணமாம் வாழ்க்கை

போர் சொல்லலாச்சு

இறைவனின் கொடை

பொழியுமா எம்மில்

கருணை நீ காட்டாயோ

உலகமாம் தன்னில்